بوابة الساعة الإخبارية رئيس مجلس الإدارة محسن سرحان
مهندس مصري يقدم دراسة جدوى للاكتفاء الذاتي من السكر، كشف المهندس اسحاق غطاس عن دراسه جدوى اقتصادية عن السكر وطرق الاكتفاء الذاتي منه في ظل ارتفاع اسعار السكر خلال هذه الفترة ، خاصة وأن السكر من السلع الاستراتيجية ” ونرصد لكم في التقرير التالي الدراسة التي نشرها عبر صفحته الرسمية “الفيسبوك”.
“اولا متوسط استهلاك الفرد من السكر فى مصر هو 52 كيلو سنويا
اى ضعف استهلاك الفرد عالميا . حيث استهلاك الفرد لا يتعدى 25 ك سكر سنويا .
تنتج مصر ٢.٨ مليون طن سكر سنويا ولا تكفى هذه الكميات السوق المصرى مع ان نصف هذه الكميه فقط كفيله بالاكتفاء الذاتى
.مش دى المشكله
لكن مصر بتستورد اضافى على إنتاجها ب ٨٠٠ الف طن سكر منتج نهائى وأحيانا تصل إلى مليون طن سكر كل سنه . إجمالي استهلاك السكر ٣.٨ مليون طن سكر سنويا !
قصب السكر وتقوى البنجر بنستورده من البرازيل واخرى كمان
ثانيا الأراضي المزروعه لانتاج السكر ؟ هل تكفى .الاجابه نعم
اراضي زراعه قصب السكر ٣٤٠ الف فدان . الفدان الواحد بيستهلك من ٨٠٠٠ إلى ٩٠٠٠ متر مكعب مياه ! الفدان بينتج ٣.٥ طن سكر صافى من المصنع
لو هنستخدم الرى بالتنقيط المره الواحدة رى من ٥ إلى ٧ ملى فى مسطح الفدان ٤٢٠٠ متر . الرى مرة او مرتين أسبوعيا
حتلاقي فى الرى المره الواحده بالغمر ١٥٠ متر مكعب . بالتنقيط ٢٥ متر مكعب فقط !! بالتنقيط ممكن نحتاج مرتين أسبوعيا
يعنى لو رى حديث الفدان يحتاج ٢٤٠٠ متر مكعب بدلا من ٨٠٠٠ متر مكعب !!
الأراضي المزروعة بنجر حوالى ٦٥٠ الف فدان . الفدان ينتج ٢ طن سكر . يستهلك مياه غمر ٤٠٠٠ متر مكعب بس الحصاد بعد ٦ شهور
عكس محصول القصب الحصاد سنويا بيقعد فى الأرض سنه كامله.
ملخص استهلاك مياه السكر من مليون فدان بنجر وسكر هو ٨ ملياااار متر مكعب سنويا .؟!!
السعوديه بجلاله قدرها اكبر دوله فى العالم لانتاج المياه بالتحليه من البحار هو واحد مليار متر مكعب مياه سنويا
سكان غزه ١.٣ مليون نسمه لا يتجاوز واحد مليار متر مياه كاستهلاك زراعه وأفراد!
كل كيلو سكر بيستهلك ٢٠٠٠ م مكعب مياه
كل كيلو أرز بيستهلك ٢٥٠٠ م مكعب مياه
تكلفه متر مكعب مياه من تحليه البحر هو ٣٠ ج !!
تكلفه تحليه مياه صرف الزراعه محطات بحر البقر وغيرها هو ٥ج للمتر. مصر بتصرف ٣٠ مليار جنيه عشان تفلتر مياه الصرف الزراعه لانتاج ٥ مليار متر مكعب معالج ثلاثى
يفيدنا الكلام أعلاه ب ايه
هو أن لو بفترض زراعه القصب والبنجر بمياه تحليه البحر
يبقى تكلفة كيلو السكر تبقى ب ١٢٠ ج ! ٧٥ ج مياه و ٣٥ ج تكلفه زراعه القصب و ١٠ تكلفه تصنيع السكر !
لو هنزرع السكر بمياه تحليه الصرف الزراعى يبقى تكلفه الكيلو ٥٥ج
لكن المياه ببلاش نشكر الله التكلفه الفعليه ٤٥ ج شامل التصنيع.
يبقى عشان نزرع مليون فدان قصب وبنجر لانتاج كميات السكر بنستهلك ٧ مليار متر مكعب مياه تقريبا ١٥% من حصة مصر من النيل ٥٥مليار متر مكعب ! فى صنف واحد فقط
لكن لو هنستخدم الرى الحديث فهنستخدم مياه ٣ مليار متر مكعب فقط حد أقصى.
شوية بيانات بسيطة
التموين تدعم المواطن بمنتجات السكر الارز الزيت الدقيق (الخبز) ب ١٦٣ مليار ج سنويا.
التعليم تدعم تلاميذ المدارس بسكويت ب ٨ مليار جنيه
الصحة بتدعم اللى فوق من اعراض السكر ب ٢٥ مليار جنيه
طبعا غير تمن ٤٠ مليون تورتايه سنويا أعياد ميلاد سعر الواحده ٣٠٠ ج إجمالي تورت وكيك ١٢ مليار جنيه
الحلول ايه . بعض مقترحات شخصيه الكلام مش بفلوس
استبدال التموين ب خضار وفواكه وبيض مثلا . او كاش بقيمة مواد التموين . اعتقد الاستهلاك ينزل ل ٣٥ % بالتالي
توفير مياه اكثر وتوفير استصلاح اراضي اكثر لمنتجات ذات قيمه اقتصاديه للتصدير افضل من منتج يسبب أمراض.
ثانيا الغاء بسكوت الاطفال لصحتهم اولا
ثالثا ادراج مادة التغذية السليمة فى المناهج الدراسيه للأطفال من سن كجى وان حتى الثانويه . ووعى جموع الشعوب
رابعا إلزام أولياء الأمور بذهاب ابناءهم إلى الجيم والنوادى الرياضيه واعتماد شهادات من صالات الجيم وألعاب القوى والأندية بممارسة التلميذ رياضه معينه واعتمادها كدرجات ماده التربيه الرياضيه “.
وانتهت الدراسة لتغطي اغلب الجوانب التي من شأنها ترشيد الاستهلاك بل وضخ كميات أخرى من السكر في السوق بدون استيراد
