ظاهرة اغتصاب الأطفال فى رمضان

كتبت:  داليا الروبى

ظاهرة اغتصاب الأطفال فى رمضان، ا نتشرت فى مصر ظاهرة غريبة على مجتمعنا، جعلتنى متعبة نفسيا وغير قادرة على سرد تلك الحوادث المشينة التى نشاهدها يوميا
ونصحيتى ليكم
خليكم مصدر الامان والثقه لاولادكم مصدر القوه في زمن صعب انعدمت فيه الانسانيه والرحمه والنخوه والرجوله والجهل بالدين

اولا : خدوا بالكم اوي من اطفالكم هما مسئوليه كبيره عليكم وانتم مش مستعدين ماتخلفوش
ثانيا : وعوهم التوعيه السليمه اللي تخليهم يحمو نفسهم بقدر المستطاع
ثالثا : اسمعوهم وصدقوهم وادولهم الامان الكامل انهم لما يحسو باي خطر او اي حاجه حلوه او وحشه يحكولكم وهما مش خايفين ولا حاسين ان محدش هيسمعهم او يصدقهم

في كارثه !! خلال اسبوعين من رمضان كل كام يوم نصحي علي جريمه ابشع بس الجريمه المتكرره وفي الشهر الكريم ده وهي اغتصاب الاطفال سواء ولد او بنت
معقول دول بشر !! بيعبدو ايه !! هيروحوا من ربنا فين

بدات في منطقه العاشر من رمضان اغتصاب بنت عمرها ٩ سنين في حمام مسجد
متخيلين الوحشيه والقذاره في مسجد وفي الشهر الكريم مش عارفه اقول دي بجاحه ولا انعدام دين واخلاق وادميه مش بقول انه عادي في ايام تانيه بس يمكن حرمه الشهر الكريم كانت تمنعه او المكان نفسه لكن محصلش

حاله تانيه بعدها بكام يوم ..
حارس عقار معدوم الانسانيه والاخلاق والدين يعتدي علي طفل غالبا في نفس العمر من سكان العماره في حمام الجراچ في منطقه الوايلي

ثالث حاله .. في مطروح راجل مسن يهتك عرض طفله ٧ سنين راجل كبير مسن بيغتصب طفله !!!! رايحه تشتري من عنده حلويات زي اي طفله يحصل معاها كده ليه من راجل في عمر جدها ويمكن اكبر
الجرايم دي حصلت بالظبظ في اقل من اسبوعين في شهر رمضان ومع اطفال لا يتعدوا ال ١٠ سنين من عمرهم
ودي بس الحالات اللي اعلنو عنها وماخفي كان اعظم اكيد في اهالي بتخاف تبلغ خوفا من الفضيحه واكيد في اطفال بتسكت وبتخاف تحكي لاهلها

وفيه أشباه رجال بيقولوا البنات هما السبب عشان لبسهم ضيق او مش متغطي او مش محجبات او بيحطو ميكب وبيرفوم
علي الرغم من ان ايام زمان جدادتنا وهما صغيرين كانو بيلبسو علي الموضه ولبس قصير وبرضه محتشم ولكن مكنش بيحصل البشاعه والقذاره دي كان في احترام

دي اطفال !!! مفيش اي معالم اغراء تثير راجل غير لو ان الحيوان ده مدمن بقي او مريض نفسي او ومعقد او مايعرفش حاجه عن دينه معدوم الضمير والرحمه والانسانيه

مالوش اي مبرر ولا عذر ولا حتي يجوز اننا نرحمه لا المجتمع ولا القانون وكده كده عقابه عند ربنا
ياريت يتطبق عليهم اقصي عقوبه في نفس اليوم ونفس موقع الجريمه ليه يعيشوا يوم زياده ويتسجنوا وياكلوا ويشربواةويعيشوا وياخدوا فرصه يدافعوا عن نفسهم
لو طبقنا عليهم اقصي عقوبه في نفس الوقت هيبقوا عبره لامثالهم

دور المسجد والكنيسه والمدرسه والجامعه دور الدراما والسينما والبرامج المرئيه والمسموعه ياريت تهتموا بالموضوعات دي وتناقشوها وتنشرو الوعي وتقدموا حلول ومقترحات وتعديل قوانين بطلوا نشر الهبل والتفاهه ومسلسلات البلطجه والقتل والنكد والقرف الللي بنشوفه واهتمو بالقضايا المهمه.

ربنا يحفظنا جميعا ويحفظ اولادها ويخرجنا منها علي خير احنا بنعيش في اسوء زمن للبشريه